悅讀聖經系列之抽絲剝繭查案大法

上回我哋明白左，人類係好鍾意加鹽加醋：我哋對於文字嘅各種想像同埋估計，如果建基係一啲唔客觀同埋唔小心嘅判斷裏邊，會令到我哋扭曲咗文字本身嘅意思。我地作為想了解聖經嘅門徒，似乎有必要放低心中嘅諗法，用一個清晰嘅心思同頭腦嚟接近我地手中嘅聖經。 咁我地點先會有呢個清晰心思頭腦呢？！ 我哋要好似一個偵探咁樣，清醒，冷靜，查案嗰陣一定要排除唔合理嘅事、唔關事嘅個人嘅情緒同感受，剩低落嚟嘅，就一定係真相！